அல்லாஹ்வின் ஒளியை அணைக்க அவர்கள் விரும்புகிறார்கள்: ஷய்க் ரபீஃ அவர்களின் வஃபாத் குறித்த சிந்தனைகள்

ஷய்க் ரபீ இப்னு ஹாதி அல்-மத்கலி அவர்களின் மறைவுடன், அல்லாஹ்வின் தூதர் (صَلِّ اللَّهُ عَلَيْهِ وَسَلَّمْ) அவர்களின் சுன்னாவிற்கு சேவை செய்வதிலும், ஸலஃபுகளின் வழிமுறையை நோக்கி அழைப்பதிலும், பித்அத்கள் (புதுமைகள்) மற்றும் அதன் ஆதரவாளர்களுக்கு எதிராக துணிச்சலுடன் எச்சரிப்பதிலும் தனது வாழ்வை அர்ப்பணித்த ஒருவரை நாம் இழந்துவிட்டோம்.

ஷய்க் ரபீ அவர்களின் மரணத்தைக் கண்டு மகிழ்பவர்கள், அவர்கள் உண்மையில் எதைக் கொண்டாடுகிறார்கள் என்பதைப் பற்றி சிந்தித்துப் பார்க்கட்டும்.

சுன்னாஹ், அல்லாஹ்வின் பாதுகாப்பில் நிலைத்திருக்கிறது. அறிஞர்கள் மறைந்துவிடலாம், ஆனால் அவர்களின் தாக்கம் நிலைத்திருக்கும். அவர்களின் நூல்கள் கற்கப்படுகின்றன, அவர்களின் மாணவர்கள் தொடர்ந்து போதிக்கிறார்கள், அவர்களின் எழுத்துக்கள் வாழ்கின்றன. பித்அத்வாதிகள் இந்த ஒளியை அணைக்க முயன்றிருக்கலாம், ஆனால் அல்லாஹ்வின் ஒளி ஒருபோதும் அணைக்கப்படாது.

இவர்களின் இந்த எதிர்வினை, அல்-இமாம் ஹம்மாத் மூலமாக அறிவிக்கப்பட்ட அல்-இமாம் அய்யூப் அல்-சக்தியானியின் சொற்களைத்தான் நமக்கு நினைவூட்டுகிறது.
(அக்கூற்று என்னவென்றால்) ஹம்மாத் இப்னு ஸைத் (ஹிஜ்ரி 179-ல் மரணித்தவர்) கூறினார்:”ஷுஐப் இப்னு அல்-ஹப்ஹாப் (ஹிஜ்ரி 129-ல் மரணித்தவர்) அவர்களின் மய்யிதை அய்யூப் அல்-சக்தியானி (ஹிஜ்ரி 131-ல் மரணித்தவர்) குளிப்பாட்டும்போது நான் அவரிடம் இருந்தேன், அப்போது அவர் கூறினார்:

“அஹ்லுஸ் ஸுன்னாவின் மரணத்தை விரும்புவோர் இருக்கிறார்களே, அல்லாஹ்வின் ஒளியைத் தங்கள் வாய்களால் அணைக்க விரும்புகிறார்கள். {ஆனால் நிராகரிப்பவர்கள் வெறுத்தாலும் அல்லாஹ் தன் ஒளியை முழுமையாக்குவான்.} [சூரா அஸ்-சஃப்: 8]”.

நிச்சயமாக உண்மை ஒருபோதும் மரிப்பதில்லை, சுன்னாவின் கொடி ஒருபோதும் தாழ்த்தப்படாது, அதைத் தாங்கிச் செல்பவர்களின் மரணத்தினாலும் அல்ல, அதன் எதிரிகளின் வெறுப்பினாலும் அல்ல.

ஷய்க் ரபீ இப்னு ஹாதி அல்-மத்கலீ அவர்களுக்கு அல்லாஹ் கருணை காட்டுவானாக, அவரை மன்னிப்பானாக, மேலும் சுன்னாவிற்கும் அதன் மக்களுக்கும் அவர் ஆற்றிய வாழ்நாள் சேவைக்காக அவருக்கு நற்கூலி வழங்குவானாக.

மூலம்: ஷர்ஹ் உஸூல் இஃதிகாத் அஹ்லிஸ் சுன்னா வல் ஜமாஆ அல்-லாலகாயி (எண். 35)