"Whoever Starts a Good Sunnah…" – the Correct Meaning of the Hadithயார் ஒரு நல்ல சுன்னத்தை (அழகிய செயலை) உருவாக்குகிறாரோ அதற்குரிய நன்மை அவருக்கு உண்டு என்ற ஹதீஸ் மவ்லிதுக்கு ஆதாரமாகுமா? – அல்-இமாம் ரபீ அல் மத்கலீ (ரஹிமஹுல்லாஹ்)

கண்ணியமிக்க அறிஞர் அஷ்ஷய்க் ரபீ அல்-மத்கலீ அவர்களிடம் பின்வரும் கேள்வி கேட்கப்பட்டது:

கேள்வி: வட ஆப்பிரிக்க நாடுகளைச் சேர்ந்த பலர், பித்அத்தான மவ்லித் நபிக்கு ஆதாரமாக நபி ﷺ அவர்களின் இந்த ஹதீஸை ஆதாரம் காட்டுகின்றனர்:

📜 ஹதீஸ்: “யார் ஒரு நல்ல சுன்னத்தை (அழகிய செயலை) உருவாக்குகிறாரோ அதற்குரிய நன்மையும், அவருக்குப் பின் அதன்படி செயல்படுபவர்களின் நன்மையும் அவருக்குக் கிடைக்கும்……” என்று உள்ள அந்த ஹதீஸை மேற்கோள் காட்டி வாதிடுகின்றனர். இவர்களுக்கு எவ்வாறு பதிலளிப்பது?

அதற்கு ஷய்க் அவர்கள் இவ்வாறு பதிலளித்தார்:

அவர்களுக்குப் பின்வருமாறு பதிலளிக்கலாம்:

அப்போது கூறினார்கள்: “ஒருவர் தனது வெள்ளிக்காசு, தனது தங்கக்காசு, தனது கோதுமை, தனது தீட்டப்படாத முழு கோதுமை ஆகியவற்றிலிருந்து தர்மம் செய்யட்டும்” என்று கூறினார்கள். அப்போது மக்கள் சற்று தாமதித்தனர். அப்போது, அன்சாரித் தோழர் ஒருவர் பொருள்களை உடைய ஒரு பெரிய பையுடன் வந்தார். இதைப் பார்த்தவுடன், மற்ற மக்களும் விரைந்து வந்து போட்டிபோட்டுக் கொண்டு தர்மம் செய்தனர். இதன் மூலம் ஒரு பெரிய அளவிலான தர்மம் குவிந்தது.

இந்தச் சூழ்நிலையில்தான் நபி ﷺ பின்வருமாறு கூறினார்கள்:

“யார் ஒரு நல்ல சுன்னத்தை (அழகிய செயலை) உருவாக்குகிறாரோ, அதற்குரிய நன்மையும், அவருக்குப் பின் அதன்படி செயல்படுபவர்களின் நன்மையும் அவருக்குக் கிடைக்கும். அதற்காக அதை பின்பற்றி செய்தவர்களின் நன்மையில் எதுவும் குறைந்துவிடாது. அவ்வாறே, யார் ஒருவர் ஒரு தீய சுன்னத்தை (தீய செயலை) உருவாக்குகிறாரோ, அதற்கான அந்த பாவச்சுமையையும், அவருக்குப் பின் அதை பின்பற்றி செய்தவர்களின் பாவச்சுமையையும் அவர் சுமக்க வேண்டும். (அதற்காக) அதை பின்பற்றி செயல்படவர்களின் பாவத்திலிருந்து எதுவும் குறையாது” என்று கூறினார்கள்.”

நபி ﷺ இந்த ஹதீஸில் தர்மம் செய்வதை ஊக்கப்படுத்தினார்கள், மேலும் தர்மம் செய்வது மார்க்கத்தில் அங்கீகரிக்கப்பட்ட ஒரு செயலாகும்.

“அந்த மனிதர், அந்த இக்கட்டான நேரத்தில் மக்களுக்கு முன்மாதிரியாகச் செயல்பட்டு அந்த நல்ல செயலை முந்திச் செய்தார். இவ்வாறு மக்கள் எல்லோரும், (ஏற்கனவே மார்க்கமாக ஆக்கப்பட்ட) ஒரு செயலை செய்யாது மறந்திருக்க, அதை நீங்கள் முதலில் முந்திக்கொண்டு செய்தால், ஒரு நல்ல பழக்கத்தை (சுன்னத் ஹஸனா) உருவாக்கியவர் ஆகிறீர்கள். ஆனால்,

மேலும், அல்லாஹ் குர்ஆனில் கூறுகிறான்:

இது (இந்த மவ்லித்) ஒரு நல்ல காரியமாக இருந்திருந்தால், நபி ﷺ அவர்களும், நபித்தோழர்களும் நமக்கு முன்பே அதைச் செய்திருப்பார்கள். அல்லாஹ் மீது ஆணையாக, அவர்கள் அதைத் தவறவிட்டிருக்க மாட்டார்கள். ஏனென்றால், அவர்கள் நபி ﷺ அவர்களை நன்கு அறிந்திருந்தார்கள். நம்மைவிட அதிகமாக அவர்களை நேசித்தார்கள். ஆனால் இங்கு வருத்தத்திற்குரியது என்னவென்றால், அல்லாஹ் (நேர்வழியை) நாடியவர்களுக்கு தவிர, நம்மில் பலர் இந்த மவ்லித் கொண்டாட்டத்தில் மட்டுமே அவரை ﷺ அறிகிறோம்.

இந்த (பித்அத்தான) செயலை உருவாக்கியவர்கள்: அல்லாஹ்வுக்கும், அவனது தூதருக்கும், இஸ்லாமிய மார்க்கத்திற்கும் எதிரிகளான ‘ பாத்தினிய்யூன் (ஷியாக்களான உபய்திய்யூன்) ‘ எனும் மறைபொருள்வாதிகள் என்பதை நாம் அறிந்துக் கொள்ளுதல் அவசியம்.