Scholars Are Lamps of Truth, and the Truth Never Goes Outஅறிஞர்கள் சத்தியத்தின் ஒளிவிளக்குகள்; ஆனால் சத்தியமோ என்றும் அணையாச் சுடர் – அஷ்ஷய்க் அப்துல்லாஹ் இப்னு அப்துர் ரஹீம் அல்-புகாரி

அஷ்ஷய்க் அப்துல்லாஹ் இப்னு அப்துர் ரஹீம் அல்-புகாரி (அல்லாஹ் அவரைப் பாதுகாக்கட்டும்) அவர்கள் கூறினார்கள்:

யார் பாதுகாப்பு, வெற்றி மற்றும் மகிழ்ச்சியை நாடுகிறாரோ, அவர் இந்த வசியத்தை (உபதேசத்தை) உறுதியாகப் பற்றிக்கொள்ள வேண்டும். அதாவது, அல்லாஹ்வின் தூதர் (ﷺ) அவர்கள் தன் தோழர்களுக்கும், தனக்குப் பின்னாலுள்ள சமூகத்திற்கும் உபதேசித்த வசியத்தை உறுதியாகப் பற்றிக்கொள்ள வேண்டும். இது இர்பாத் இப்னு சாரியா (அல்லாஹ் அவரை பொருந்திக்கொள்வானாக) அவர்களின் ஹதீஸில் இடம்பெற்றுள்ள பிரபல்யமான வஸியத்தாகும்.

அல்-இர்பாத் இப்னு சாரியா (அல்லாஹ் அவரை பொருந்திக்கொள்வானாக) அவர்கள் கூறினார்கள்:

அல்லாஹ்வின் தூதர் (ﷺ) அவர்கள் எங்களுக்கு உபதேசம் செய்தார்கள். அதனால் எங்கள் உள்ளங்கள் நடுங்கின, கண்களிலிருந்து கண்ணீர் வழிந்தது. நாங்கள் கூறினோம்: “அல்லாஹ்வின் தூதரே! இது ஒரு பிரியாவிடை உபதேசம் போல் தெரிகிறது. எங்களுக்கு உபதேசம் செய்யுங்கள்!” அதற்கு அவர்கள் (ﷺ) கூறினார்கள்:

இதனால்தான், தூய்மையான சுன்னாவின் அறிஞர்களில் ஒருவர் மரணமடையும் போது நீங்கள் துக்கப்பட வேண்டாம். ஆம், சந்தேகமே இல்லை, இது உள்ளத்திற்கு வேதனையளிக்கும்; ஆன்மாவிற்குப் பாரமாக இருக்கும்; இஸ்லாத்திற்கு ஒரு பெரும் இழப்பாக இருக்கும். ஆனால் சத்தியம் நிலைத்திருக்கும். நான் மறுபடியும் சொல்கிறேன்: சத்தியம் நிலைத்திருக்கும். அதை எப்படிப்பட்ட கூட்டம் சுமக்கும்? வெற்றி பெற்ற கூட்டம் சுமக்கும்.

ஆகவே, நபர்கள் வருவார்கள், செல்வார்கள், ஆனால் சத்தியம் எப்படி இருக்கும்? அழியாது நிலைத்திருக்கும்.

وَقُلْ جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا

இந்த வசனத்தைத்தான் நபிகள் நாயகம் (ﷺ) அவர்கள் மக்காவில் உள்ள சிலைகளை உடைத்துக் கொண்டிருந்தபோது திரும்பத் திரும்ப ஓதினார்கள்.

ஆகவே, அல்லாஹ் உங்களுக்கு அருள் புரியட்டும், அல்லாஹ்வின் தூதர் ﷺ அவர்கள் தங்கள் தோழர்களுக்கு சத்தியத்தைப் பற்றிக்கொள்ளவும், அதனுடன் நிலைத்திருக்கவும், அதைப் பலமாகப் பிடித்துக்கொள்ளவும் பயிற்சி அளித்தார்கள்.

அறிஞர்கள் மற்றும் இமாம்களில் நிச்சயமாக இந்த சத்தியத்தை சுமப்பவர்கள் உண்டு என்பதில் சந்தேகமில்லை.

ஆகவே, நாம் இந்த அடிப்படை விதியை உணர்ந்து கொள்ள வேண்டும். சுன்னாவின் அறிஞர்கள், மக்களுக்கு சத்தியத்தைத் தெளிவுபடுத்தும் வழிகாட்டிகள் என்பதில் சந்தேகமில்லை. ஆனால், அவர்கள் மறைந்து விடுவது – அதாவது, அவர்கள் மரணிப்பது – சத்தியத்திற்கு மரணம் என்று அர்த்தமல்ல.

கேள்விகளுக்கு: [email protected]

தொடர்ந்திருங்கள் நம்மோடு:

linktr.ee/islamtamil